Մարդու մարմնում կան միլիարդավոր նյարդային բջիջներ: Գերազանցում են արդյոք իրենց թվով` «Ծիր Կաթին» գալակտիկայի աստղերին, վիճելի հարց է: Միայն գլխուղեղը բաղկացած է 100 միլիարդ նեյրոններից: Եթե այդ բոլոր նեյրոնները շարքով դասավորենք, ապա նրանց երկարությունը կկազմի 966 կմ:
Նյարդային համակարգը ընդունակ է իմպուլսներ փոխանցել 100 մետր վայրկյանում: Իրականում, հաղորդագրության փոխանցման արագությունը կարող է հասնել մինչև 290կմ/ժամի: Հայտնի է, որ երբ երեխան դեռ գտնվում է մոր արգանդում, նրա նեյրոնների քանակը ավելանում է րոպեում 250000 արագությամբ: Երեխայի ծնվելու պահին, նրա գլխուղեղը կազմված է լինում արդեն 10 միլիոն նյարդային բջիջներից: Ինչպես նաև հայտնի է, որ մեկ տարվա ընթացքում նորածնի գլխուղեղը մեծանում է երեք անգամ, իսկ ծռրանալուն զուգընթաց, մարդու գլխուղեղը փոքրանում է յուրաքանչյուր տարի մեկ գրամով: Հասուն տղամարդկանց մոտ գլխուղեղը կշռում է 1375 գրամ, երբ կանանց մոտ այն 1275 գրամ է: Ամենածանր գլխուղեղը աշխարհում կշռում է 2012 գրամ, այն եղել է ռուս գրող Իվան Տուրգենևի գլխուղեղը: Եվս մեկ ուշագրավ փաստ, տղամարդկանց գլխուղեղում 6,5 անգամ շատ է մոխրագույն նյութը, քան կանանց մոտ, իսկ կանանց մոտ 10 անգամ ավելի շատ է սպիտակ նյութը քան տղամարդկանց մոտ: Գլխուղեղի աջ կողմը կառավարում է նրա մարմնի ձախ կողմը, իսկ ձախ կիսագունդը կառավարում է մարմնի աջ կողմը:
Քանի որ նյարդային համակարգը հանդիսանում է օրգանիզմի կարևորագույն բաղկացուցիչ մաս, ապա նրա վնասվածքը կարող է հանգեցնել ծանր հետևանքների: Բացի այդ, կենտրոնական նյարդային համակարգը սահմանափակ հնարավորություններ ունի ինքնուրույն վերականգնվելու համար: Այդ պատճառով, նյարդային համակարգը գտնվում է ապահով պաշտպանության տակ` մարդու կմախքային համակարգի տակ:
Աղբյուրը՝ այստեղ